«Бояулар құпиясы» Республикалық конкурс
23 қыркүйекте Өскемен қаласында өткен «Бояулар купиясы» республикалық сурет байқауының қорытындысы шығарылды. Жарысқа республиканың түкпір-түкпірінен 130-дан астам бала қатысып, олардың 28-і ғана жүлделі орындарға ие болды.
Қостанай облысы атынан қосымша білім беру ұйымдарының оқушылары: Амирова Даяна, Згоник Яна, Хайдаева Дарья, Ерденова Адель, Красовская Арина және Запорожских Анна қатысты. Олар қазылар алқасының назарына қазақ халқының тарихына, салт-дәстүріне арналған сайыстық композицияларын ұсынды.
Байқаудың жеңімпаздары мен жүлдегерлері «Қостанай қаласы әкімдігінің білім бөлімінің А.И.Никифоров атындағы көркемсурет мектебі» КМҚК оқушылары болды. Красовская Арина «Таланттар палитрасы» номинациясында 3 - орынды иеленді: 10-13 жас аралығындағы авангардтық және эксперименттік кескіндеме; Адель Ерденова «Менің елім – менің жерім» номинациясында 1-орынды иеленді: 10-13 жас аралығындағы тақырыптық натюрморт; Запорожских Анна бізді «Таланттар палитрасы» номинациясында 1-орынмен қуантты: сюжеттік композиция жас санаты 14-17 жас. Салтанатты жағдайда біздің финалистерге дипломдар мен бағалы сыйлықтар табысталды. Біздің жүлдегерлерді «Бояулар компиясы» республикалық байқауындағы жеңісімен құттықтаймыз. Байқаудың барлық қатысушыларына шығармашылықта табыс пен жеңіс тілейміз!
