Балалардың өнер мектебіне түсу тәртібі

Құрметті ата - аналар!

Қостанай қаласы білім бөлімінің «А.И.Никифоров атындағы көркемсурет мектебі» КМҚК - ның балаларды қабылдауы жыл сайын жүзеге асырылады.

Оқушылар контингентінің негізгі құрамының қабылдауы тамызда өтеді.

Назар аударыңыз! Балаларды көркемсурет мектебіне қабылдау үшін конкурстық іріктеу жүзеге асырылады.

Оқушыларды қосымша қабылдауы бос орын және қажеттілік бар болған жағдайда оқу жылының ағымында жүзеге асырылады.

Оқуға түсу және қабылдау мәселелері бойынша кеңсенің жұмыс кестесі

Дүйсенбі, сейсенбі, сәрсенбі, бейсенбі, жұма күндері: 9:00 - 17:00 (13.00 - 14.00 түскі ас)

Хабарласу үшін: 54 - 32 - 46 (қабылдау бөлмесі)

Балалардың өнер мектебіне түсу тәртібі

1. 1 - 10 тамыз аралығында талапкерлердің конкурстық іріктеуі жүзеге асырылады:

• КМ дайындық және 1 - сынып оқушылары (9 - 13 жас) үшін сұхбат, мектеп аудиториясында натюрморт салу және үйдегі шығармашылық жұмыстарды қарау өткізіледі; Үй жұмыстары жеке папкаға рәсімделіп, бетіне баланың тегі, аты, жасы және ата - анасының (заңды өкілдерінің) байланыс деректері жазылады;
• КМ(жеделдетілген курс) 5 - сынып оқушылары (14 - 16 жас) үшін сұхбат, мектеп аудиториясында натюрморт салу және үйдегі шығармашылық жұмыстарды қарау өткізіледі;
• 2 - ші, 3 - ші, 4 - ші сыныптарға балалардың түсуі басқа өнер мектептерінен ауысқан жағдайда ғана жүзеге асырылады;
• емтихандарды өткізу күні алдын ала (көркемсурет мектебінің ресми сайтында https://hudozhka.rka.kz / және Instagram парақшасы https://www.instagram.com/kst_nikiforov_mektebi/) хабарланады

2. Сұхбат нәтижелері бойынша конкурстық іріктеуден өткен оқушылар ата - аналарының өтініші бойынша "Балаларға қосымша білім беру бойынша қосымша білім беру ұйымдарына құжаттар қабылдау және оқуға қабылдау" мемлекеттік қызмет көрсету қағидаларына сәйкес КМ - не қабылданады
3. "Балаларға қосымша білім беру бойынша қосымша білім беру ұйымдарына құжаттарды қабылдау және оқуға қабылдау" мемлекеттік қызметін көрсетуі Mindal24 электрондық жүйесі арқылы немесе кеңсе арқылы (электрондық жүйе арқылы қабылдау кезінде қиындықтар туындаған кезде) жүзеге асырылады.
4. Mindal24электрондық жүйесі арқылы қабылдау тәртібі туралы жадынама қоса беріледі.
5. Қабылдау үшін қажетті құжаттар:

• белгіленген үлгідегі ата - аналардың өтініші;
• № 027/у нысаны бойынша медициналық анықтама;
• баланың туу туралы куәлігі;

Назар аударыңыз! № 027/у анықтама міндетті түрде болуы қажет. Сұхбаттан сәтті өткеннен кейін емханадан алынады.